همسة ابداع
ترحب بكم آملين زيارتكم لنا بأقرب وقت لنسعد بصحبتكم ومعرفتكم وشكرا.


ترحب بكم آملين زيارتكم لنا بأقرب وقت لنسعد بصحبتكم ومعرفتكم وشكرا.
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 وصِيَّه مِن قبل مُوتي أبكتِبها بدُون ألقابّ !

اذهب الى الأسفل 
كاتب الموضوعرسالة
яαωαη
المشرف
المشرف
avatar

عدد المساهمات : 572
تاريخ التسجيل : 26/08/2011
الموقع : عآلم بعييد لـآ يعرفهه أي مخلوق

مُساهمةموضوع: وصِيَّه مِن قبل مُوتي أبكتِبها بدُون ألقابّ !   الإثنين سبتمبر 05, 2011 3:29 am

بسم الله الرحمن الرحيم

السلآم عليكم ورحمة الله وبركآآآته

وصِيَّه مِن قبل مُوتي أبكتِبها بدُون ألقابّ !

وصِيَّه مِن قبل مُوتي أبكتِبها بدُون ألقاب
................ عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون احجَاب
..................... بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
..................... وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
..................... أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
..................... وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
..................... ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
..................... أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
..................... أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
..................... وعُمري توَّه صِغيِّر ... وقُويَه حِيـل أمتاني

أبد ما كِنت مِتصَوِّر تِجيني نشوة الأحباب
..................... لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
..................... أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
..................... بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
..................... أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
..................... أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
..................... يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
..................... لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
..................... أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
..................... ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
..................... عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
..................... شعوري إنصدم منِّي .. وأثاري هذا ديواني

ووسسسلـآمتكم ..~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مرهف الاحساس
المدير العام
المدير العام
avatar

عدد المساهمات : 283
تاريخ التسجيل : 10/08/2011
العمر : 29

مُساهمةموضوع: رد: وصِيَّه مِن قبل مُوتي أبكتِبها بدُون ألقابّ !   الأربعاء سبتمبر 07, 2011 3:12 pm

روعه وابداع دوم يارب في الابداع مثل ماتعودنا منك ويعطيك الف عافيه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hmoi.yoo7.com
яαωαη
المشرف
المشرف
avatar

عدد المساهمات : 572
تاريخ التسجيل : 26/08/2011
الموقع : عآلم بعييد لـآ يعرفهه أي مخلوق

مُساهمةموضوع: رد: وصِيَّه مِن قبل مُوتي أبكتِبها بدُون ألقابّ !   الأربعاء سبتمبر 07, 2011 4:33 pm

ا
ربي يعااافيك Embarassed << استحت lol!

لارووع مرورك يالغلاا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وصِيَّه مِن قبل مُوتي أبكتِبها بدُون ألقابّ !
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
همسة ابداع :: :: °ˆ~*¤®§(*§ المنتديـــات الأدبيه والثقافية والفنيـه§*)§®¤*~ˆ° :: :: منْٺِدٍى آڷشعًړ ۈأبيآٺِ آڷقصًيدٍ -
انتقل الى: