مسآء آلخير جمعيآ ~
فيها الحكي لامن حكت جاك مسرود \ حتى التلعثم صار جمله مفيده
...
الجادل اللي صوتهـا نغمـة العـود
يعزف تقاسيـم اللحـون الجديـده
ترنيمةٍ ترقص على عزفهـا النـود
معزوفـةٍ فيهـا المعانـي فريـده
مبحوحةٍ في صوتها السحر منشـود
ضحكاتها توصـل لسمعـي نشيـده
دلوعةٍ فيهـا الدلـع مالـه حـدود
بقولة ( فديتك ) تملك القلب سيـده
كن الغنج باسلوبها شـى مقصـود
فـن التغنـج آآآآه ياهـي تجيـده
فيها الحكي لامن حكت جاك مسرود
حتى التلعثم.. صار جملـه مفيـده
سحر الكلام ان جابت الهرج بركـود
بشفاتها تنظم لـي اعظـم قصيـده
لعيونها كلي على بعـض مشـدود
ولنفاسهـا نـار القصايـد وقيـده
ولجل الجديل اللي على المتن مرجود
بنحت لها شعـر الملـوّح واعيـده
واقول للـي تمتلـك ليـن العـود
ياجعل روحي في غرامـك شهيـده
ياللي ملكتي قلب الاحبـاب بقيـود
لله درك .. يالهـنـوف العـنـيـده
الك الثناء ياشيخة الزيـن مـردود
تحيـةٍ تسـوى تحـايـا عـديـده
وياعاذلي هـذي مواثيـق وعهـود
ياعاذلـي لاوالـذي النفـس بيـده
احبها حـبٍ الـى المـوت موجـود
حبٍ سكـن قلبـي وغـذى وريـده
حبٍ وله وسط الحشا برق ورعـود
سحاب غيمه كـل مااقفـى تعيـده
بنت الرجال اللي بهم يفخـر الجـود
نسل الكرام اهل الفعـول المجيـده
ماردني عنهـا مسافـات وحـدود
احبهـا لـو المسـافـه بعـيـده
مادامها اللي ذكرها نفحـة العـود
وبقربها افـراح قلبـي .. وعيـده